آسف على ضحكتي وآسف على احزاني

العذر مكتوب لاصـار الخطـاء مقـري

آسف على ضحكتي وآسف على احزاني

خطـاي معـذور والا غلطتـي عـذري

مرارة العذر فـي قلبـي وفـي لسانـي

مدري وش اللي ذكرت وضاق به صدري

مـدري وش اللـي نسيـت ولاتنسانـي

لبست انا ثـوب لاطولـي ولا قصـري

ياطيبـه القلـب ويـن القلـب ودانـي

سنتين من عمرها مرت ومـن عمـري

سنتيـن احـس الزمـن فيهـا تعدانـي

سنتين مرت حياتـي مـن ورا ظهـري

والحب سجنـي ومسجونـي وسجانـي

والشعر مطرود من قلبي ومـن فكـري

سنتين ماني ب انا مانـي باحـد ثانـي

غنيت للنـاس والدنيـاء علـى خبـري

والشعر في دفتـري مغـرور وانسانـي

غنيـت للحـب يـوم عيونهـا تغـري

يوم الوفـاء والكـلام الطيـب الحانـي

غنيـت للدمـع يومـن البكـى كبـري

واليوم انا اكبر من دموعـي وحرمانـي

اليوم ماعاد يمدي اللـي جـرح يبـري

مليـت كثـرت خطاياهـم وغفـرانـي

مليت انا الشعر مل الشعر مـن شعـري

مليت انا الحـب مـل الحـب وجدانـي

لو هي عليه عزيز النفس من صغـري

ماشاور القلـب فـي كرهـي لعدوانـي

ان رحت ياكثرهم وان جيـت ياكثـري

ضاقت بي عيونهم لـو كنـت وحدانـي

تعبت وازريـت مامليـت مـن صبـري

ليت الـذي راح منـي كثـر ماجانـي

احيان ودي اطيح مـن التعـب وازري

تشيلنـي عزتـي وسـلـوم جـدانـي